شہباز گِل اڈیالہ سے پمز منتقل، معائنے کیلئے 5 رکنی میڈیکل بورڈ تشکیل

شہباز گِل کو اڈیالہ جیل سے میڈیکل چیک اپ کیلئے پمز  اسپتال کے میڈیکل آئی سی یو میں منتقل کر دیا گیا۔

شہباز گل کے چیک اپ کیلئے اسپتال میں ڈاکٹرز کا پانچ رکنی میڈیکل بورڈ تشکیل دے دیا گیا ہے۔

کئی گھنٹے انتظار کے بعد اڈیالہ جیل انتظامیہ نے شہبازگل کو وفاقی پولیس کے حوالے کردیا

اسلام آباد کی مقامی عدالت کی جانب سے پی ٹی آئی رہنما شہباز گل کے ریمانڈ کے معاملے پر اسلام آباد اور پنجاب پولیس میں ٹھن گئی تھی

اسپتال ذرائع کے مطابق تحریک انصاف کے رہنما شہباز گل کے تفصیلی میڈیکل چیک اپ کیلئے میڈیکل بورڈ 5 پروفیسر ڈاکٹرز شامل ہیں۔

میڈیکل بورڈ میں پروفیسر ڈاکٹر آف سرجری، پروفیسر ڈاکٹرآف میڈیسن، پروفیسر آف کارڈک، نیورو میڈیسن اور آرتھوپولک پروفیسرز شامل ہیں۔

ذرائع کے مطابق شہباز گل نے سانس میں دشواری کی بھی شکایت کی ہے۔