خیبرپختونخوا میں آرمی ریلیف ہیلپ لائن متعارف

پاکستان آرمی نے خیبرپختونخوا کے سیلاب متاثرین کے لیے آرمی ریلیف ہیلپ لائن 1125 متعارف کروا دی۔

پاک فوج کے شعبہ تعلقات عامہ آئی ایس پی آر کے مطابق سیلاب متاثرین کسی بھی ہنگامی صورتحال اور امدادی کارروائیوں کے لیے 1125 پر رابطہ کر سکتے ہیں۔

اس کے ساتھ صوبے میں سیلاب متاثرین پرونشل ڈیزاسٹر مینجمنٹ اتھارٹی (پی ڈی ایم اے) کے ہیلپ لائن نمبر 1700 پر بھی رابطہ کر سکتےہیں۔

سیلاب سے ہرطرف تباہی، دریائے کابل کے پشتے ٹوٹ گئے، کمراٹ میں تمام رابطہ پل دریا برد، شاہراہ قراقرم متعدد مقامات پر بند

نوشہرہ میں سیلابی پانی گھروں اور کھیتوں میں داخل، کمراٹ کا ضلع کے دوسرے مقامات سے رابطہ کٹ گیا، متعدد سیاح پہاڑی علاقے میں پھنس گئے

دوسری جانب پنجاب ڈیزاسٹر مینجمنٹ اتھارٹی کی جانب سے بتایا گیا ہے کہ سیلاب متاثرین پی ڈی ایم اے کی ہیلپ لائن 1129، ریسکیو 1122 اور 15پر  امداد کے لیے کال کر سکتے ہیں۔

ترجمان پی ڈی ایم اے کے مطابق یہ تمام ہیلپ لائن استعمال میں ہیں، سیلاب میں پھنسے افراد کی کال موصول ہوتے ہی امدادی ٹیمیں مدد کو پہنچیں گی۔