31 اگست ، 2022 
توہین عدالت کیس: فواد سے متعلق اپنے وکیل کے جواب پر عمران خان کی ہنسی چھوٹ گئی
31 اگست ، 2022
اسلام آباد ہائیکورٹ میں توہین عدالت کیس کی سماعت کے دوران سابق وزیراعظم عمران خان کی اپنے وکیل حامد خان کے فواد چوہدری سے متعلق بیان پر ہنسی چھوٹ گئی۔
اسلام آباد ہائیکورٹ میں خاتون جج کو دھمکانے پرعمران خان کےخلاف توہین عدالت کیس کی سماعت ہوئی۔
ایڈووکیٹ جنرل جہانگیر جدون نے دلائل میں کہا کہ فواد چوہدری نے کہا چیف جسٹس کو معافی مانگنی چاہیے۔
اس پر عمران خان کے وکیل حامد خان نے کہا کہ ہمارا اس بیان سے کوئی تعلق نہیں، اُس شخص (فواد چوہدری) سے کسی اچھائی کی توقع بھی نہیں کی جاسکتی۔
عدالت کے سامنے اپنے وکیل حامد خان کے جواب پر عمران خان کی ہنسی چھوٹ گئی۔
اس موقع پر چیف جسٹس اسلام آباد اطہرمن اللہ نے ریمارکس دیے کہ ہمیں اس بات سے کوئی فرق نہیں پڑتا کہ وہ کیا کہہ رہے ہیں، اِنھیں خود پتا ہونا چاہیے کہ جو کہہ رہے ہیں وہ صحیح ہے یا غلط۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
9 گھنٹے پہلے
کیا پیراتھائرائیڈکا علاج پاکستان میں ممکن ہے؟
11 گھنٹے پہلے
