31 اگست ، 2022 
ایشیا کپ: بھارت کیخلاف میچ میں آخری اوور کیوں کرنا پڑا؟ محمد نواز نے بتا دیا
31 اگست ، 2022
پاکستانی کرکٹر محمد نواز کا کہنا ہے کہ بھارت کے خلاف آخری اوور کرنا مشکل ہوتا ہے لیکن میں پُر اعتماد تھا۔
ہانگ کانگ کے خلاف میچ سے قبل دبئی میں میڈیا سے گفتگو کرتے ہوئے محمد نواز نے کہا کہ ٹی ٹوئنٹی میں اسپنرز کے لیے آخری اوور کرنا آسان نہیں ہوتا، مجھے پہلے علم نہیں تھا کہ بھارت کے خلاف میچ میں آخری اوور کروں گا،میچ کی صورتحال کچھ ایسی ہوگئی تھی کہ مجھے اوور کرنا پڑا۔
محمد نواز کا کہنا تھا کہ فاسٹ بولرز کو کریمپ پڑ رہے تھے اس لیے ان کے اوورز پہلے ختم ہونے پر مجھے اوورکرنا پڑا۔
ان کا کہنا تھا کہ ٹیم کا مورال بلند ہے، میچ میں فائٹ کی جس سے اعتماد میں اضافہ ہوا، بھارت کے خلاف اگلا میچ ہوتا ہے تو اس کے لیے پُر اعتماد ہیں کہ ہم جیتیں گے۔
محمد نواز نے کہا کہ ورلڈ کپ میں بھارت کو ہرا چکے ہیں، اب بھی میچ ہوتا ہے تو جیتنے کی کوشش کریں گے۔
انہوں نے مزید کہا کہ اسپنرر پر بڑی اہم ذمہ داری ہے، اسی کے مطابق ہم پریکٹس کر رہے ہیں جبکہ نسیم شاہ کو انجری کا سامنا نہیں ہے انہیں کریمپس پڑے تھے۔
واضح رہے کہ بھارت نے ایشیا کپ کے گروپ میچ میں پاکستان کو سنسنی خیز مقابلے کے بعد 5 وکٹوں سے شکست دی تھی، بھارت کو آخری اوور میں 7 رنز درکار تھے ،پاکستان کی جانب سے محمد نواز نے اوور کرایا تھا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
