04 ستمبر ، 2022 
پاکستان
پشاورشہر میں قومی کرکٹ ٹیم کی جیت پر ہوائی فائرنگ کی گئی— فوٹو: فائل
قومی ٹیم کے ہاتھوں بھارت کو شکست: ملک بھر میں شائقین کرکٹ کا جشن
04 ستمبر ، 2022
متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے دلچسپ مقابلے کے بعد بھارت کو آخری اوور میں 5 وکٹوں سے شکست دے کر گروپ میچ میں ہار کا حساب برابر کردیا۔
قومی ٹیم کی جیت کی خوشی میں ملک بھر میں جشن منایا گیا اور پشاورشہر میں قومی کرکٹ ٹیم کی جیت پر ہوائی فائرنگ کی گئی۔
شکرگڑھ میں بھارت سے میچ جیتنے پر شہریوں نے جشن منایا اور بھنگڑے ڈالے جبکہ بہاول نگر میں مٹھائیاں تقسیم کی گئیں۔
منڈی بہاءالدین میں شہریوں نے پاکستان کی جیت کی خوشی میں کالج چوک پر جشن منایا اور نعرے بازی کی۔
گوجرانوالا میں بھی شائقین کرکٹ سڑکوں پر نکل آئے اور ٹیم کی جیت کی خوشی میں جشن منایا۔
