05 ستمبر ، 2022 
رضوان نے ٹانگ میں کھچاؤ کے باوجود بیٹنگ کی، ایم آر آئی اسکین کرانے کا فیصلہ
05 ستمبر ، 2022
پاکستان کرکٹ ٹیم کے وکٹ کیپر بیٹر محمد رضوان کا ایم آر آئی اسکین کرانے کا فیصلہ کرلیا گیا۔
ترجمان پاکستان ٹیم کے مطابق وکٹ کیپر بیٹر محمد رضوان کا آج ایم آر آئی اسکین کرایا جائے گا۔
محمد رضوان دائیں ٹانگ میں کھچاؤ محسوس کر رہے ہیں اور انہوں نے کھچاؤ کے باوجود بیٹنگ جاری رکھی تھی۔ رضوان نے 71 رنز کی شاندار اننگز کھیلی اور ٹیم کی فتح میں اہم کردار ادا کیا۔
خیال رہے کہ بھارت کے خلاف فیلڈنگ کے دوران محمد رضوان گیند پکڑتے ہوئے توازن برقرار نہ رکھ سکے تھے اور گر گئے تھے۔
واضح رہے کہ متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے دلچسپ مقابلے کے بعد بھارت کو آخری اوور میں 5 وکٹوں سے شکست دے کر گروپ میچ میں ہار کا حساب برابر کردیا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
