08 ستمبر ، 2022 
کھیل
برطانوی ہائی کمشنر کرسچیئن ٹرنر نے پی سی بی ہیڈ کوارٹرز قذافی اسٹیڈیم کا دورہ کیا، ملاقات میں انگلینڈ کےدورہ پاکستان سےمتعلق معاملات زیرغورآئے: پی سی بی— فوٹو: سوشل میڈیا
برطانوی ہائی کمشنر اور چیئرمین پاکستان کرکٹ بورڈ رمیز راجہ کی ملاقات
08 ستمبر ، 2022
لاہور : برطانوی ہائی کمشنر اور چیئرمین پاکستان کرکٹ بورڈ (پی سی بی) رمیز راجہ کی ملاقات ہوئی ہے۔
برطانوی ہائی کمشنر کرسچیئن ٹرنر نے پی سی بی ہیڈ کوارٹرز قذافی اسٹیڈیم کا دورہ کیا۔ اس حوالے سے پی سی بی کا کہنا ہے کہ ملاقات میں انگلینڈ کےدورہ پاکستان سےمتعلق معاملات زیرغورآئے۔
انگلینڈ کرکٹ ٹیم رواں ماہ پاکستان پہنچے گی، انگلینڈ اور پاکستان کے درمیان 7 ٹی ٹوئنٹی میچز شیڈول ہیں، انگلینڈ کرکٹ ٹیم کراچی اور لاہور میں ٹی ٹوئنٹی میچز کھیلے گی۔
انگلینڈ کرکٹ ٹیم رواں سال دسمبر میں بھی 3 ٹیسٹ میچز کھیلنے پاکستان آئے گی، تین ٹیسٹ میچز پرمشتمل سیریز راولپنڈی،ملتان اور کراچی میں کھیلی جائےگی۔
