10 ستمبر ، 2022 
پاکستان
دادو اور اطراف کے علاقوں میں پاک بحریہ کے دستے جدید سہولیات سے لیس ہوور بورڈ کے ذریعے سیلاب میں پھنسے لوگوں کو نکالنے میں بھرپور کردار ادا کررہے ہیں — فوٹو: اسکرین گریب
سندھ میں سیلاب متاثرین کی امداد کیلئے پاک نیوی کے جوان سرگرم
10 ستمبر ، 2022
سندھ کے سیلاب سے متاثرہ علاقوں کے عوام کی امداد کیلئے پاک بحریہ کے دستے بھی سرگرم عمل ہیں۔
پاک بحریہ کے سی کنگ ہیلی کاپٹر متاثرین کو نکالنے کے ساتھ کھانے پینے کی اشیا فراہم کررہے ہیں۔
دوسری جانب دادو اور اطراف کے علاقوں میں پاک بحریہ کے دستے جدید سہولیات سے لیس ہوور بورڈ کے ذریعے سیلاب میں پھنسے لوگوں کو نکالنے میں بھرپور کردار ادا کررہے ہیں۔
جن علاقوں کے متاثرین اپنی املاک اور مال مویشیوں کو چھوڑنے پر راضی نہیں ان کو پاک نیوی کے جوانوں کی طرف سے وہیں پر کھانے پینے کی اشیا بھی فراہم کی جا رہی ہیں۔
