11 ستمبر ، 2022 
ویڈیو: سیلفی کے خواہشمند مداحوں کے ساتھ نسیم شاہ نے کیا کیا؟ ویڈیو وائرل
11 ستمبر ، 2022
پاکستانی فاسٹ بولر نسیم کی شاہ کی بولنگ کے بعد افغانستان کے خلاف ان کے دو لگاتار چھکوں نے قومی کھلاڑی کے مداحوں کی تعداد میں اندرون ہی نہیں بیرون ملک بھی اضافہ کر دیا ہے۔
سوشل میڈیا ہو یا کرکٹ کا اسٹیڈیم ہر طرف نسیم شاہ کے مداح نظر آتے ہیں، ایسا ہی کچھ سری لنکا اور پاکستان کے سپر فور مرحلے کے مقابلے میں بھی ہوا۔
میچ میں اگرچہ شاداب خان اور نسیم شاہ آرام دیا گیا لیکن نسیم شاہ اس روز بھی شائقین کرکٹ سے نہ بچ سکے، اسٹیڈیم میں بیٹھے شائقین باؤنڈری کے پاس کھڑے نسیم کو دیکھ کر دور سے ہی سیلفی کی خواہش کا اظہار کرنے لگے۔
جس پر نسیم شاہ نے لوگوں کو موبائل ان کے پاس پھینکنے کا اشارہ کیا، فاسٹ بولر کے کہنے کی دیر تھی کہ ایک نہیں کئی مداحوں نے ان کی جانب موبائل فون پھینکے جنہیں فاسٹ بولر نے کیچ کر لیا۔
نسیم شاہ کی جانب سے مداحوں کے فون کیچ کرنے اور جیب میں رکھنے کی ویڈیو بھی سوشل میڈیا پر وائرل ہوگئی۔
ویڈیو کو سوشل میڈیا پر شیئر کیا جا رہا ہے جس پر تبصرہ کرتے ہوئے صارفین فاسٹ بولر کے اس عمل کو فینز سے بچنے کا بہترین طریقہ قرار دے رہے ہیں۔
