12 ستمبر ، 2022 
پاکستان
پولیس افسران جوڈیشل انکوائری میں بتادیں انہیں کس نےتشدد کا حکم دیا: وزیرداخلہ پنجاب— فوٹو: فائل
پی ٹی آئی لانگ مارچ پر تشدد: پنجاب حکومت کا جوڈیشل انکوائری کرانے کا فیصلہ
12 ستمبر ، 2022
پنجاب حکومت نے 25 مئی کے لانگ مارچ میں تشدد کے واقعات پر جوڈیشل انکوائری کرانے کا فیصلہ کرلیا۔
وزیر داخلہ پنجاب ہاشم ڈوگر کا کہنا ہے کہ جوڈیشل انکوائری کیلئے درخواست دیں گے، ہم نہیں چاہتے کسی پولیس والےکےساتھ زیادتی ہو۔
ان کا کہنا تھاکہ پولیس افسران جوڈیشل انکوائری میں بتادیں انہیں کس نے تشدد کا حکم دیا۔
خیال رہے کہ 25 مئی 2022 کو پی ٹی آئی لانگ مارچ کے دوران پنجاب سے اسلام آباد جانے والے تمام راستے بند کر دیے گئے تھے جس کے باعث لاہور میدان جنگ بن گیا تھا، اسی دوران متعدد پی ٹی آئی کارکنان کو گرفتار بھی کیا گیا تھا۔
