13 ستمبر ، 2022 
سمندر کے اندر 20 کلومیٹر تک آبادیوں کو لے جائیں: سندھ ہائیکورٹ برہم
13 ستمبر ، 2022
سندھ ہائیکورٹ نے ابراہیم حیدری انڈسٹریل ایریا میں ہاؤسنگ اسکیم بنانے پر اظہار برہمی کرتے ہوئے ریمارکس دیے کہ سمندر کے اندر بھی آبادیاں بنائی جا رہی ہیں، سمندر کے اندر 20 کلومیٹر تک آبادیوں کو لے جائیں۔
سندھ ہائی کورٹ میں ابراہیم حیدری انڈسٹریل ایریا میں پولٹری فارم اراضی پر قبضے اور ہاؤسنگ اسکیم بنانے پرقبضہ مافیا کے خلاف درخواست پرسماعت ہوئی۔
درخواست گزار کے وکیل نے مؤقف اپنایا کہ لینڈ مافیا نے قبضہ کرکے رہائش اختیار کروا دی ہے۔
عدالت نے وکیل صفائی سے پوچھا کہ یہ بتائیں آپ کو یہ انڈسٹریل لینڈ کیسے مل گئی؟ وہ بھی 50 ہزار روپے فی ایکڑ میں؟ حکومتی محکمے تو سوئے ہوئے ہیں۔
پولٹری فارم اراضی پر قبضے کے کیس میں عدالت نے سندھ حکومت اور ریونیو ڈپارٹمنٹ سے جواب طلب کرلیا اور کہا کہ حکومت کا جواب آنے دیں، مناسب فیصلہ جاری کریں گے۔
