15 ستمبر ، 2022 
کھانے میں تاخیر پر شوہر نے ’توا‘ مار کر بیوی کی جان لے لی
15 ستمبر ، 2022
بھارت میں ایک شخص نے کھانے میں تاخیر پر اپنی بیوی کو توا مار کر اس کی جان لے لی۔
بھارتی میڈیا رپورٹس کے مطابق دردناک واقعہ بھارتی ریاست اترپردیش کے علاقے نوئیڈا میں رواں ہفتے پیش آیا جہاں پولیس نے رکشہ ڈرائیور انوج کمار کو بیوی کو قتل کرنے پر حراست میں لے لیا۔
پولیس کے مطابق انوج کمار پیر کے روز جب گھر پہنچا تو کھانا میں تاخیر اس کا اپنی بیوی خوشبو سے جھگڑا ہوگیا، انوج نے اشتعال میں بیوی کے سر پر توا دے مارا جس کے نتیجے میں انوج کی اہلیہ موقع پر جاں بحق ہوگئی۔
اہل علاقہ کے بتانے پرپولیس نے ایکشن لیتے ہوئے شوہر کو گرفتار کر لیا اور اس کے خلاف تحقیقات شروع کر دیں۔
پولیس کا بتانا ہے کہ میاں بیوی بہار سے کام کے سلسلے میں نوئیڈا منتقل ہوئے تھے اور گزشتہ 5 برسوں سے نوئیڈا میں رہائش پذیر تھے۔
