کاروبار
16 ستمبر ، 2022

آٹے کی قیمت ملکی تاریخ کی بلند ترین سطح پر پہنچ گئی

کراچی اور کوئٹہ میں آٹے کا 20 کلو کا تھیلا سب سے مہنگا 2400 روپے میں فروخت ہورہا ہے، اسلام آباد میں قیمت 980 روپے ہے: ادارہ شماریات— فوٹو: فائل
کراچی اور کوئٹہ میں آٹے کا 20 کلو کا تھیلا سب سے مہنگا 2400 روپے میں فروخت ہورہا ہے، اسلام آباد میں قیمت 980 روپے ہے: ادارہ شماریات— فوٹو: فائل

آٹے کی قیمت ملکی تاریخ کی بلند ترین سطح پر پہنچ گئی، ادارہ شماریات نے آٹے کی قیمتوں کے اعداد و شمار جاری کر دیے۔

ادارہ شماریات کے مطابق کراچی اور کوئٹہ میں آٹے کے 20 کلو کے تھیلے کی قیمت 2400  روپے تک پہنچ گئی ہے۔

ادارہ شماریات  کا کہنا ہے کہ  کوئٹہ میں آٹا 120 روپے فی کلو تک فروخت ہو رہا ہے، 15 دن کے دوران کوئٹہ میں آٹے کا 20 کلو کا تھیلا مزید 480 روپے مہنگا ہوا، 15 دن کے دوران کراچی میں آٹے کا 20 کلو کا تھیلا مزید 260 روپے مہنگا ہوا۔

ادارہ شماریات کے مطابق حیدر آباد میں آٹے کا 20کلو کا تھیلا 2260 روپے تک میں فروخت ہورہا ہے جبکہ خضدار میں 20کلو آٹے کا تھیلا 2200، لاڑکانہ میں 2100روپے تک ہے۔ سکھر میں آٹے کے 20 کلو تھیلے کی قیمت 2040 روپے تک ہو گئی ہے۔

ادارہ شماریات کے مطابق بنوں میں آٹےکا 20کلو کا تھیلا 1950 روپے تک میں فروخت ہورہا ہے، پنجاب کے بڑے شہروں میں آٹے کے 20 کلو تھیلے کی قیمت 980 روپے تک ہے، اسلام آباد میں 20 کلو آٹے کے تھیلے کی قیمت 980 روپے تک ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM