26 نومبر ، 2012 
ملک میں گندم، چینی اور چاول کے وافر ذخائر موجود ہیں، عبدالحفیظ شیخ
26 نومبر ، 2012
اسلام آباد … وفاقی وزیر خزانہ ڈاکٹر عبد الحفیظ شیخ نے کہا ہے کہ موجودہ حکومت نے اپنے دور اقتدار میں سیلاب اور قدرتی آفات کے باوجود غذائی بحران پیدا ہونے نہیں دیا، ملک میں گندم، چینی اور چاول کے ذخائر اتنے ہیں کہ رکھنے کی جگہ نہیں ہے۔ اسلام آباد میں جیو نیوز سے خصوصی بات چیت میں وزیر خزانہ کا کہنا تھا کہ گندم کے امدادی نرخ بڑھانے سے قیمت میں وقتی اضافہ ضرور ہوگا لیکن اس کا فائدہ کسان اور صارف دونوں کا ہوگا۔ وزیر خزانہ کا کہنا تھا کہ امدادی قیمت میں اضافے سے گندم کی پیداوار بڑھے گی اور آئندہ سال کے غذائی بحران کا خدشہ ٹل جائے گا۔ انہوں نے مزیدکہا کہ پاکستان میں گندم بین الاقوامی مارکیٹ سے سستی ہے، جس سے کاشت کاروں کی حوصلہ شکنی ہورہی تھی۔ دوسری طرف غذائی ماہرین کا کہنا ہے پاکستان میں غلے کے ذخائر تو ہیں لیکن 50 فیصد سے زائد خاندان غذائی قلت کا شکار ہیں، اصل مسئلہ غریب عوام تک سستی خوراک کی عدم فراہمی ہے اور گندم کی امدادی قیمت میں اضافے سے مہنگائی زور پکڑے گی۔
مزید خبریں :
پاکستان میں مہنگائی 4 سال کی کم ترین سطح پر
02 نومبر ، 2024
رواں مالی سال کے پہلے 4 ماہ میں تجارتی خسارے میں کمی ریکارڈ
02 نومبر ، 2024
پی ایس ایکس: 100 انڈیکس میں 1893 پوائنٹس کا اضافہ
01 نومبر ، 2024
انٹربینک میں ڈالر سستا ہوگیا
01 نومبر ، 2024
ملک میں سونے کی قیمت میں اضافے کے بعد اچانک کمی
01 نومبر ، 2024
آئی ایم ایف نے معاشی اشاریوں پر اپنی پیشگوئیوں پر نظرثانی کرلی
01 نومبر ، 2024
