21 ستمبر ، 2022 
پاکستان
وزیراعظم شہباز شریف کی کابینہ کے ارکان کی تعداد 72 تک پہنچ چکی ہے— فوٹو:فائل
72 رکنی وفاقی کابینہ کی تعداد کیخلاف اسلام آباد ہائیکورٹ میں درخواست دائر
21 ستمبر ، 2022
وزیراعظم شہباز شریف کی 72 رکنی کابینہ کے ارکان کی تعداد کےخلاف اسلام آباد ہائیکورٹ میں درخواست دائر کردی گئی۔
درخواست سابق وزیر داخلہ شیخ رشید احمد کی جانب سے دائر کی گئی جس میں مؤقف اختیار کیا گیا ہے کہ 72رکنی کابینہ آئین کےآرٹیکل 92 کی شق ایک کی خلاف ورزی ہے۔
درخواست میں کہا گیا ہے کہ درخواست کی سماعت ہنگامی بنیادوں پر کی جائے اور سماعت کیلئے 23 ستمبر کو فکس کی جائے۔
خیال رہے کہ وزیراعظم شہباز شریف کی کابینہ کے ارکان کی تعداد 72 تک پہنچ چکی ہے، ان کی کابینہ میں 34 وفاقی وزرا، 7 وزرائے مملکت، 4 مشیران اور 27 معاونین خصوصی شامل ہیں۔
