انٹرٹینمنٹ
22 ستمبر ، 2022

شہباز شگری سے دھوکے کا الزام، آئمہ بیگ نے خاموشی توڑ دی

فوٹو: فائل
فوٹو: فائل

گلوکارہ آئمہ بیگ نے منگیتر شہباز شگری سے دھوکے  کے الزام کے بعد خاموشی توڑ دی۔

آئمہ بیگ نے انسٹاگرام اسٹوری پر  طویل بیان جاری کیا جس میں انہوں نے خود پر تنقید کرنے والوں کو جواب دیا۔

گلوکارہ  نے اپنی انسٹا گرام اسٹوری پر برطانوی ماڈل طلولہ کی جانب اشارہ کرتے ہوئے لکھا ہے کہ 'اگرچہ میں نے سارے معاملے کو انتہائی باعزت بیان کے ذریعے ختم کر دیا تھا مگر اس کے باوجود کچھ لوگوں کو خاموش رہنا چاہیے تھا کیونکہ ان الزامات کے بعد ناصرف اِن افراد سے متعلق بلکہ ان کی فیملی کے بارے میں بھی بری چیزیں سامنے آئیں گی، میں اب بھی ان کی عزت کی خاطر خاموش رہنا چاہتی ہوں'۔

آئمہ بیگ نے کہا 'محض ایک مخصوص انسان کے لیے میں نہ مرحوم لوگوں کا مذاق اڑاتی ہوں اور نہ ہی یہ کرنا چاہتی ہوں کیونکہ یہ میری پرورش نہیں ہے، کچھ لوگ  شہرت کو اپنے مفاد کے لیے استعمال کرتے ہیں اور ظاہر کرتے ہیں جیسے کہ وہ مظلوم ہیں جبکہ اُن کے قریبی لوگ  اصلیت جانتے ہیں'۔

اپنے بیان میں گلوکارہ نے کہا ' میں ایک بڑے صدمے سے گزر رہی ہوں، یہ جان کر ڈپریشن ہو رہا ہے کہ لوگوں کو اصل واقعہ معلوم نہیں ہے لیکن وہ لوگ جنہیں سستی شہرت، پیسے اور فالورز چاہئیں براہِ کرم انہیں دے دیں تاکہ وہ زندگی میں آگے بڑھیں'۔

انہوں نے آخر میں اس معاملے سے انجان افراد کو مخاطب کرتے ہوئے لکھا ہے کہ اگلے چند دنوں میں آپ سب کو سچ معلوم ہو جائے گا۔

تاہم آئمہ بیگ کے اکاؤنٹ پر گزشتہ شام پوسٹ کی گئیں یہ ساری اسٹوریز اب ہٹا دی گئی ہیں، انہوں نے رات گئے ایک اور اسٹوری شیئر کی جس میں اُن کا وائرل ویڈیوز، چیٹنگ کے اسکرین شاٹس اور وائس کالز سے متعلق کہنا تھا کہ یہ سب مجھ سے بلوایا گیا تھا، مجھے یہ سب بولنے کا کہا گیا تھا۔

شہباز شگری سے دھوکے کا الزام، آئمہ بیگ نے خاموشی توڑ دی


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM