26 ستمبر ، 2022 
پاکستان
مسافر خاتون ٹرین رحمان بابا ایکسپریس میں سفر کناں تھی جو کہ اپنا پرس ریلوے سٹیشن وزیر آباد بھول گئی تھی: ترجمان ریلوے پولیس/فوٹوبشکریہ سوشل میڈیا
ریلوے پولیس نے گمشدہ سونے کی انگوٹھی اور 61 ہزار روپے خاتون کو لوٹا دیے
26 ستمبر ، 2022
لاہور میں ریلوے پولیس نے گمشدہ سونے کی انگوٹھی اور 61 ہزار روپے کیش کے ساتھ خاتون مسافر کا گمشدہ پرس تلاش کر کے اس کے حوالے کر دیا۔
ٹوئٹر پر خاتون اور پیسوں کے ہمراہ تصویر شیئر کرتے ہوئے ریلوے پولیس نے واقعے کی اطلاع دی، تصویر میں پولیس اہلکار کو خاتون مسافر کو پرس لوٹاتے دیکھا جاسکتا ہے۔
ریلوے پولیس لاہور ڈویژن نے ٹوئٹ میں لکھا کہ مسافر خاتون رحمان بابا ایکسپریس میں سفر کر رہی تھی جو اپنا پرس ریلوے وزیر آباد اسٹیشن پر بھول گئی تھی جس میں 61 ہزار روپے موجود تھے۔
ترجمان ریلوے پولیس کے مطابق خاتون نے ٹرین میں موجود پاکستان ریلویز پولیس کے گشت پر موجود اہلکاروں کو اطلاع دی تھی۔
