26 ستمبر ، 2022 
پاکستان
جمعے کے روز اسلام آباد کے علاقے چک شہزاد میں سینیئر صحافی ایاز امیر کے بیٹے شاہنواز نے اہلیہ سارہ کو قتل کر دیا تھا— فوٹو: سوشل میڈیا
سارہ انعام قتل کیس، مقتولہ کے والدین کینیڈا سے پاکستان پہنچ گئے
26 ستمبر ، 2022
اسلام آباد میں شوہر کے ہاتھوں قتل ہونے والی سارہ انعام کے والدین کینیڈا سے پاکستان پہنچ گئے۔
پولیس ذرائع کے مطابق مقتولہ کے والد انجینیئر انعام الرحمان اپنی اہلیہ کے ہمراہ اسلام آباد پہنچے ہیں۔
پولیس ذرائع نے بتایا کہ سارہ انعام کی میت ان کے والدین کے حوالے کی جائے گی اور مقتولہ کی نماز جنازہ 28 ستمبرکی دوپہر شہزادٹاؤن میں ادا کی جائے گی۔
خیال رہے کہ جمعے کے روز اسلام آباد کے علاقے چک شہزاد میں سینیئر صحافی ایاز امیر کے بیٹے شاہنواز نے اہلیہ سارہ کو قتل کر دیا تھا۔ پولیس نے ملزم کا جسمانی ریمانڈ لے رکھا ہے۔
