پاکستان
28 ستمبر ، 2022

مزید جوہری توانائی حاصل کرنیکی کوشش کر رہے ہیں: چیئرمین اٹامک انرجی کمیشن پاکستان

گرین ہاؤس گیس کا اخراج محدود کرنےکیلئے پاکستان اقدامات کر رہا ہے: چیئرمین اٹامک انرجی کمیشن پاکستان۔ فوٹو فائل
گرین ہاؤس گیس کا اخراج محدود کرنےکیلئے پاکستان اقدامات کر رہا ہے: چیئرمین اٹامک انرجی کمیشن پاکستان۔ فوٹو فائل

 چیئرمین اٹامک انرجی کمیشن پاکستان کا کہنا ہے کہ ہم نے نیوکلیئر سکیورٹی کو قومی ذمہ داری سمجھتے ہوئے جامع جوہری سکیورٹی نظام بنایا ہے اور  پاکستان مزید جوہری توانائی حاصل کرنے کی کوشش کر  رہا ہے۔

ویانا میں 66 ویں انٹرنیشنل اٹامک انرجی ایجنسی ( آئی اے ای اے) کی جنرل کانفرنس کا انعقاد کیا گیا جس میں پاکستانی وفد کی قیادت چیئرمین اٹامک انرجی کمیشن راجہ علی رضا انور نے کی۔

چیئرمین اٹامک انرجی کمیشن ڈاکٹر راجہ علی رضا انور کا جنرل کانفرنس سے خطاب کرتے ہوئے کہنا تھا کہ گرین ہاؤس گیسز کا اخراج محدود کرنےکے لیے پاکستان اقدامات کر رہا ہے، عالمی مسائل عالمی حل کے متقاضی ہیں، اس کے علاوہ پاکستان مزید جوہری توانائی حاصل کرنے کی بھی کوشش کر  رہا ہے۔

ڈاکٹر علی رضا انور نے مزید کہا کہ کووڈ 19 وبا نے دنیا کو زونوٹک بیماریوں کے بڑھتے خطرات سے آگاہ کر دیا ہے، ہم نے آئی اے ای اے کے تکنیکی تعاون پروگرام سے کافی فائدہ اٹھایا ہے۔

انہوں نے یہ بھی کہا کہ پاکستان نیوکلیئر سکیورٹی کو قومی ذمہ داری سمجھتا ہے اور اسی مقصد کے لیے ہم نےجامع جوہری سکیورٹی نظام بنایا ہے اور جوہری سکیورٹی کے شعبوں میں عالمی ایجنسی کی مدد اور تعاون کو سراہتے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM