انٹرٹینمنٹ
28 ستمبر ، 2022

کیا میرا اداکارہ کترینہ کیف کی بہن کے ساتھ فلم میں جلوہ گر ہوں گی؟

ٖفوٹو: انسٹاگرام
ٖفوٹو: انسٹاگرام

معروف اداکارہ میرا نے بالی وڈ اداکارہ کترینہ کیف کی بہن ازابیل کیف کا شکریہ ادا کیا ہے۔

میرا کی جانب سے انسٹاگرام پر ویڈیو شیئر کی گئی جس میں وہ اداکارہ ازابیل کی مشکور دکھائی دیں، اداکارہ نے اپنی ویڈیو میں ازابیل سے مخاطب ہوتے ہوئے کہا ' لاک ڈاؤن کے دوران آپ نے میری اور میرے ڈائریکٹر قاسم کی بہت مدد کی'۔

انہوں نے ویڈیو میں ازابیل کے لیے کہا کہ 'آپ نے دبئی میں فلم کی شوٹنگ کی اجازت دلوائی اور فلم کے حوالے سے سارا کام کروایا جس پر آپ کی بہت مشکور ہوں‘۔

ویڈیو میں میرا  نے یہ بھی بتایا کہ  ازابیل کیف ان کی ٹیم کا حصّہ ہیں اور جلد ان کی فلم میں ایک اہم کردار کے ساتھ جلوا گر ہوں گی۔

میرا کی مذکورہ ویڈیو سوشل میڈیا پلیٹ فارمز پر وائرل ہے تاہم فی الحال انہوں نے فلم کی تفصیلات جاری نہیں کیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM