موٹروے پولیس نے بھاری مقدار میں ہیروئن اسمگلنگ کی کوشش ناکام بنا دی
01 اکتوبر ، 2022
موٹروے پولیس نے فیصل آباد ایم فور پر 18 کلو ہیروئن کی اسمگلنگ کی کوشش ناکام بنا کر ماں بیٹے سمیت دو ملزمان کو گرفتار کر لیا۔
موٹروے پولیس کے ترجمان کے مطابق سرخ رنگ کی کار کو تیزرفتاری پر رُکنے کا اشارہ کیا تو ڈرائیور نے گاڑی کی رفتار کو مزید تیز کرتے ہوئے فرار ہونے کی کوشش کی۔
ترجمان کے مطابق موٹروے پولیس نے فرار کی کوشش کرنے والی گاڑی کو گھیرے میں لے لیا اور گاڑی کی تلاشی کے دوران مذکورہ گاڑی سے 18 کلو ہیروئن برآمد کرتے ہوئے، ملزمان کو گرفتار کر لیا۔
موٹروے پولیس کے مطابق ملزمان ہیروئن پشاور سے فیصل آباد لے جا رہے تھے، ملزمان کو ساہیانوالہ پولیس اسٹیشن فیصل آباد کے حوالے کر دیا گیا ہے۔
مزید خبریں :
چلّے کے بعد کوئی ٹوئٹ بھی نہیں کی: شیخ رشید
19 منٹ پہلے
دوائی زیادہ ڈل گئی تو......
2 گھنٹے پہلے
