حیدر علی کو اسپتال سے ڈسچارج کر دیا گیا

قومی کرکٹ ٹیم کے مڈل آرڈر بیٹر حیدر علی کی طبیعت اب بہتر ہے اور انہیں اسپتال سے ڈسچارج کر دیا گیا ہے۔

ترجمان پاکستان کرکٹ بورڈ کے مطابق حیدر علی اب پہلے سے بہتر محسوس کر رہے ہیں اور  اسپتال سے ڈسچارج ہونے کے بعد ٹیم ہوٹل پہنچ گئے ہیں۔

حیدر علی کی طبیعت خراب، اسپتال منتقل

نوجوان بیٹر حیدر علی کو طبیعت کی ناسازی کے باعث اسپتال لے جایا گیا ہے

واضح رہے کہ حیدر علی کو انگلینڈ کے خلاف چھٹے ٹی ٹوئنٹی کے بعد طبیعت ناساز ہونے کے باعث اسپتال لے جایا گیا تھا جہاں ان کا میڈیکل جائزہ لیا گیا۔

 خیال رہے کہ پاکستان اور انگلینڈ کے درمیان سات ٹی ٹوئنٹی میچز کی سیریز 3-3 سے برابر ہے اور فائنل آج شام کھیلا جائے گا۔