03 اکتوبر ، 2022 
ایرانی پرواز میں بم کی افواہ، بھارتی لڑاکا طیاروں کی دوڑیں لگ گئیں
03 اکتوبر ، 2022
بھارت کی فضائی حدود میں ایرانی پرواز میں بم کی افواہ پر بھارتی فضائیہ کے لڑاکا طیاروں کی دوڑیں لگ گئیں۔
بھارتی میڈیا کے مطابق ایران کے دارالحکومت تہران سے چین جانے والی پرواز میں بھارتی فضائی حدود میں بم کی افواہ ملی جس پر بھارتی فضائیہ کے لڑاکا طیاروں کو ہائی الرٹ جاری کیا گیا۔
میڈیا رپورٹس کے مطابق بھارتی فضائیہ کے لڑاکا طیاروں نے ایرانی جہاز کو گھیرا اور انہیں دو آپشن دیے کہ یا تو پرواز کو بحفاظت بھارت میں لینڈ کروایا جائے یا پھر سفر جاری رکھا جائے، ایرانی جہاز کے پائلٹ نے بھارت میں لینڈ کرنے کا آپشن مسترد کرتے ہوئے سفر جاری رکھنے کا آپشن استعمال کیا۔
بھارتی فضائیہ کی جانب سے جاری بیان میں کہا گیا ہے کہ جہاز کے پائلٹ نے ایران سے ملنے والی ہدایات پر عمل کرتے ہوئے بم کی افواہ نظر انداز کیا اور چین کا سفر جاری رکھا جبکہ فضائیہ کے طیاروں نے ملکی فضائی حدود ختم ہونے تک انہیں محفوظ راستہ فراہم کیا۔
مزید خبریں :
کینیڈا: زو کیپر کی غفلت سے 2 سالہ گوریلا ہلاک
2 گھنٹے پہلے
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
مکہ مکرمہ، طائف اور دیگر سعودی شہروں میں موسلا دھار بارش
25 نومبر ، 2024
