ٹرمپ کی زندگی پر لکھی گئی کتاب میں حیران کن انکشافات سامنے آگئے

سابق امریکی صدر ڈونلڈ ٹرمپ کی زندگی پر لکھی گئی امریکی صحافی میگی ہیبرمین کی کتاب ’کانفیڈینس مین‘میں انکشاف کیا گیا ہے کہ ٹرمپ اپنی بیٹی ایوانکا اور داماد جیرڈ کشنر کو برطرف کرنا چاہتے تھے۔

سابق امریکی صدرٹرمپ کی زندگی پرلکھی امریکی صحافی میگی ہیبرمین کی کتاب شائع ہوگئی۔

غیر ملکی میڈیا رپورٹس کے مطابق کتاب میں انکشاف کیا گیا کہ ٹرمپ اکثر اپنے داماد کے بارے میں تحقیر آمیز لہجے میں بات کرتے تھے،ٹرمپ کووڈ 19 سے مرنے سے خوفزدہ تھے،انہوں نے نیویارک کے اس وقت کے گورنر اینڈریو کوومو کو مشورہ دیا تھا کہ وہ ٹی وی پر وائرس کے بارے میں بات نہ کریں۔

کتاب میں مزید انکشاف کیا گیا ہے کہ سابق امریکی صدر نے سرکاری دستاویزات وائٹ ہاؤس کے ٹوائلٹ میں بہائیں۔ ٹرمپ نے میکسیکو میں منشیات بنانے والی لیبارٹریوں پر بمباری کا سوچا تھا،اس تجویز نے سابق امریکی وزیر دفاع مارک ایسپر کو حیران کر دیا تھا۔

ایف بی آئی نے ٹرمپ کے گھر جوہری ہتھیاروں سے متعلق کاغذات کی تلاشی کیلئے چھاپہ مارا

امریکی اخبار کی رپورٹ میں یہ نہیں بتایا کہ یہ ڈاکیومنٹس امریکی ہتھیاروں سے متعلق تھے یا پھر کسی اور ملک سے متعلق

ٹرمپ نے برطانوی وزیراعظم کے ساتھ ملاقات میں اپنی جائیداد کا ذکر کیا تھا۔

رپورٹ کے مطابق ٹرمپ نے نیویارک سٹی کے سابق میئرگیولانی سے کہا تھا کہ وہ 2020 کے انتخابی نتائج بدلنے کے لیے’کچھ بھی کریں۔

اس کے علاوہ ٹرمپ نے ٹیکس نہ دینے کا عذر بنایا تھا۔ٹرمپ اپنے ٹیکس گوشواروں کو جاری کرنے سے انکاری تھے۔