مریم نواز کی لندن آمد، نواز شریف کی رہائش گاہ ایون فیلڈ پہنچ گئیں

مسلم لیگ ن کی نائب صدر مریم نواز  لندن میں والد نواز شریف کی رہائش گاہ ایون فیلڈ  پہنچ گئیں۔

 ایون فیلڈ اپارٹمنٹس کے باہر لیگی کارکنوں  نے  مریم نواز کا والہانہ استقبال کیا ۔

اس موقع پر مریم نواز نے مختصر گفتگو کرتے ہوئے کہا کہ میں دل سے کارکنوں کا شکریہ ادا کرتی ہوں ،آپ سب کام چھوڑ کر میرے استقبال کے لیے آئے،  بہت ، بہت شکریہ۔

ایون فیلڈ کے باہر رش کے باعث مریم نواز میڈیا سے گفتگو نہ کرسکیں اور رہائش گاہ کے اندر چلی گئیں۔

واضح رہے کہ مریم نواز پاسپورٹ واپس ملنے کے بعد بدھ کو لندن کے لیے روانہ ہوئی تھیں۔

مریم نواز کی لندن پہنچ کر بھائی حسن نواز سے ملاقات

مریم نواز پاسپورٹ واپس ملنے کے بعد گزشتہ روز لندن کے لیے روانہ ہوئی تھیں

مسلم لیگ ن کی نائب صدر نے لندن روانگی کے لیے لاہور ائیرپورٹ پہنچنے سے قبل دادا، دادی اور والدہ کی قبروں پر فاتحہ خوانی بھی کی تھی۔

خاندانی ذرائع کا کہنا ہے کہ مریم نواز تقریباً ایک ماہ لندن میں قیام کریں گی جس کے بعد ان کا اپنے والد نواز شریف کے ہمراہ وطن واپس آنے کا امکان ہے۔