08 اکتوبر ، 2022 
بلوچستان نے سرکاری ملازمتوں کیلئے عمر کی بالائی حد میں تبدیلی کر دی
08 اکتوبر ، 2022
وزیراعلیٰ بلوچستان عبدالقدوس بزنجو نے کہا ہے کہ سرکاری ملازمتوں کے حصول کے خواہشمند امیدواروں کیلئے عمر کی بالائی حد میں تبدیلی کر دی گئی ہے۔
انہوں نے کہا کہ سرکاری ملازمتوں کیلئے عمر کی بالائی حد 43 سال تک بڑھا دی ہے تاکہ وہ امیدوار بھی ملازمت حاصل کر سکیں جو عمر کی حد کے باعث درخواست دینے کے اہل نہیں رہے تھے۔
اپنے ایک بیان میں وزیراعلیٰ بلوچستان عبدالقدوس بزنجو نے کہا ہے کہ ہم اپنے لوگوں کو کسی بھی صورت مایوس نہیں ہونے دیں گے خاص طور سے نوجوانوں کو باعزت اور باوقار روزگار کے حصول کے بھرپور مواقع فراہم کئے جائیں گے۔
وزیراعلیٰ بلوچستان نے کہا کہ صوبے سے بیروزگاری کا خاتمہ ہماری ترجیحات کا اہم حصہ ہے اس حوالے سے ہم نے ایک اہم قدم اٹھاتے ہوئے سرکاری ملازمتوں کے حصول کے خواہشمند امیدواروں کی عمر کی بالائی حد 43 تک بڑھا دی ہے تاکہ وہ امیدوار بھی ملازمت حاصل کر سکیں جو عمر کی حد کے باعث درخواست دینے کے اہل نہیں رہے تھے۔
