08 اکتوبر ، 2022 
پاکستان
واقعہ نارتھ ناظم آباد میں فائیو اسٹار چورنگی کے قریب پیش آیا، بچی کی والدہ گولی لگنے سے زخمی ہیں: پولیس— فوٹو: جیو نیوز
کراچی: پولیس مقابلے کے دوران فائرنگ سے 9 ماہ کی بچی جاں بحق، والدہ زخمی
08 اکتوبر ، 2022
کراچی وسطی کے علاقے نارتھ ناظم آباد میں پولیس مقابلے کے دوران فائرنگ سے راہ گیر خاتون زخمی ہوگئی جبکہ ان کی گود میں موجود 9 ماہ کی بچی جاں بحق ہوگئی۔
پولیس کے مطابق واقعہ نارتھ ناظم آباد میں فائیو اسٹار چورنگی کے قریب پیش آیا جہاں مسلح ملزمان شہریوں سے لوٹ مار کر رہے تھے کہ اس دوران اطلاع ملتے ہی پولیس پہنچی تو ملزمان نے فائرنگ شروع کردی۔
پولیس نے بتایاکہ اس دوران جوابی فائرنگ بھی کی گئی تاہم ملزمان کی فائرنگ سے راہ گیر 24 سالہ خاتون حنا راشد شدید زخمی ہوئیں جبکہ ان کے گود میں موجود ان کی 9 ماہ کی بچی انابیہ راشد جاں بحق ہوگئی۔
پولیس کے مطابق دونوں کو فوری طور پر عباسی شہید اسپتال منتقل کیا گیا جہاں ڈاکٹروں نے بچی کی موت کی تصدیق کردی۔
