09 اکتوبر ، 2022 
رمیز راجا نے کس بات پر راشد لطیف کا شکریہ ادا کیا؟
09 اکتوبر ، 2022
پاکستان کرکٹ بورڈ کے چیئرمین رمیز راجا نے سوشل میڈیا پر قومی ٹیم کے سابق کپتان اور مایہ ناز وکٹ کیپر راشد لطیف کا شکریہ ادا کیا ہے۔
سوشل میڈیا پر متحرک رہنے والے سابق وکٹ کیپر راشد لطیف نے پاکستان جونیئر لیگ کے میچ کی ایک ویڈیو شیئر کی جس میں پاکستان جونئیر لیگ کی ٹیم بہاولپور رائلز کے وکٹ کیپر کو شاندار کیچ پکڑتے دیکھا گیا۔
راشد لطیف نے اپنی ٹوئٹ میں وکٹ کیپنگ کے تین اصول بناتے ہوئے بہاولپور کے نوجوان وکٹ کیپر کی تعریف کی اور کہا کہ وکٹ کیپر نے اپنا بیلنس برقرار رکھتے ہوئے آخری وقت تک گیند پر نظر رکھی اور ایک پرفیکٹ کیچ پکڑا۔
قومی ٹیم کے سابق وکٹ کیپر کی اس ٹوئٹ کر چیئرمین پی سی بی رمیز راجا نے بھی شیئر کیا اور کیچ کو ناقابل یقین قرار دیتے ہوئے ویڈیو شیئر کرنے پر راشد لطیف کا شکریہ ادا کیا۔
خیال رہے کہ پاکستان جونیئر لیگ لاہور کے قذافی اسٹیڈیم میں جاری ہے جس میں مختلف شہروں کی 6 ٹیمیں حصہ لے رہی ہیں۔
