12 اکتوبر ، 2022 
آئرلینڈ ویمنز کرکٹ ٹیم کے دورہ پاکستان کا شیڈول جاری
12 اکتوبر ، 2022
آئرلینڈ کی ویمنز کرکٹ ٹیم کے دورہ پاکستان کا شیڈول جاری کردیا گیا۔
3 ون ڈے انٹرنیشنل اور3 ٹی ٹوئنٹی انٹرنیشنل میچز پر مشتمل سیریز کھیلنے کے لیے آئرلینڈ ٹیم 4 سے 16 نومبر تک پاکستان کا دورہ کرے گی۔
آئی سی سی ویمنز چیمپئن شپ میں شامل اس سیریز میں قومی خواتین کرکٹ ٹیم اپنا پہلا ایک روزہ انٹرنیشنل میچ 4 نومبر کو قذافی اسٹیڈیم لاہور میں کھیلے گی۔
مہمان اسکواڈ 29 اکتوبر کو لاہور پہنچے گا جہاں وہ چار روز ٹریننگ کے بعد 4، 6 اور 9 نومبر کو3 ون ڈے انٹرنیشنل میچز کھیلے گا۔
3میچز پر مشتمل ٹی ٹوئنٹی انٹرنیشنل سیریز 12، 14 اور 16 نومبر کو کھیلی جائے گی۔
ہیڈ آف ویمنز کرکٹ پی سی بی کی گفتگو
ہیڈآف ویمنز کرکٹ پی سی بی تانیہ ملک کا کہنا ہے کہ رواں سال کراچی میں کامیابی سے سری لنکا کی میزبانی کے بعد وہ اب لاہور میں آئرلینڈ ویمنز کرکٹ ٹیم کی میزبانی کے لیے پرجوش ہیں۔
انہوں نے کہا کہ ویمنز کرکٹ فینز سے درخواست کی ہے کہ وہ یہ میچز دیکھنے کے لیے زیادہ سے زیادہ تعداد میں اسٹیڈیم کا رخ کریں۔
سیریز میں شامل تمام ون ڈے اور ٹی ٹوئنٹی انٹرنیشنل میچز صبح10 بجے شروع ہوں گے۔
