14 اکتوبر ، 2022 
حکمت عملی اور ذہانت سے شاندار کامیابی، رمیز راجا کی جیت پر قومی ٹیم کو مبارکباد
14 اکتوبر ، 2022
چیئرمین پاکستان کرکٹ بورڈ رمیز راجا نے سہ ملکی ٹی ٹوئنٹی سیریز کے فائنل میں نیوزی لینڈ کے خلاف شاندار کامیابی پر قومی ٹیم کو مبارکباد پیش کی ہے۔
کرائسٹ چرچ میں کھیلے گئے میچ میں پاکستان نے نیوزی لینڈ کو سنسنی خیز مقابلے کے بعد 5 وکٹوں سے شکست دی اور ٹرافی اپنے نام کی۔
قومی ٹیم کی جیت کو ٹی ٹوئنٹی ورلڈکپ سے کھلاڑیوں کے اعتماد میں اضافے کے حوالے سے بڑی اہم کامیابی قرار دیا جا رہا ہے اور شاندار پرفارمنس پر مبارکباد بھی دی جا رہی ہے۔
چیئرمین پاکستان کرکٹ بورڈ رمیز راجا نے ٹوئٹر پر اپنے پیغام میں قومی ٹیم کو کامیابی پر مبارکباد دیتے ہوئے لکھا کہ ٹیم نے حکمت عملی، ذہانت اور تحمل کا مظاہرہ کر کے شانداز فتح حاصل کی۔
قومی ٹیم کے سابق کپتان محمد حفیظ نے بھی سوشل میڈیا پر گرین شرٹس کو کامیابی کی مبارکباد پیش کی اور کہا کہ فائنل میں بولنگ انتہائی شاندار رہی، آخری 5 اوورز نے جیت کی بنیاد رکھی، حارث رؤف نے عمدہ بولنگ کی جبکہ نواز اور حیدر علی اچھا کھیلے۔
محمد حفیظ کا کہنا تھا اس سیریز میں جیت ٹی ٹوئنٹی ورلڈ کپ کے لیے پاکستان ٹیم کو بہت اعتماد دے گی۔
مزید خبریں :
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
ورلڈکپ 2026 کیلئےکوالیفائی کرنا ٹارگٹ ہے: ہیڈکوچ پاکستان ہاکی ٹیم
31 اکتوبر ، 2024
