عمران خان ملتان میں شکست اور موروثیت سے متعلق سوال کا جواب گول گرگئے

سابق وزیراعظم عمران خان ملتان میں پاکستان تحریک انصاف کی شکست اور موروثیت سے متعلق صحافی کے سوال کا جواب گول کرگئے۔

اسلام آباد میں عمران خان نے پریس کانفرنس کی اور حکومت، الیکشن کمیشن کو شدید تنقید کا نشانہ بنایا۔

پریس کانفرنس کے دوران صحافی نے سوال کیا کہ ملتان میں پی ٹی آئی ہاری، لوگوں نے موروثیت کوقبول نہیں کیا۔

ملتان میں اپ سیٹ، زین قریشی کی خالی نشست پر موسیٰ گیلانی نے مہربانو کو شکست دے دی

پاکستان پیپلز پارٹی کے سید علی موسیٰ گیلانی 107327 ووٹ لے کر کامیاب ہوگئے

اس پر پی ٹی آئی چیئرمین نے بات پلٹ دی اور صحافی کے سوال کا جواب نہیں دیا۔ ان کا کہنا تھاکہ پاکستان بدل گیا ہے، نوازشریف اور زرداری 90 کی سیاست کررہے ہیں، ملک بڑی تیزی سے بدلہ ہے جس میں سوشل میڈیا کا بڑا کردار ہے، جو سیاسی شعور لوگوں میں اب آیا ہے وہ پہلے نہیں تھا۔

انہوں نے کہا کہ سوشل میڈیا نئی قسم کی ڈیموکریسی ہے جس کے پاس فون ہے اس کی آواز ہے، نواز شریف اور زرداری پرانے زمانے میں رہ رہے ہیں، ان کا ٹائم ختم ہوگیا ہے، وہ اب جو بھی کرلیں، نہیں جیت سکتے، انہیں اب ہارنا ہے۔

خیال رہے کہ گزشتہ روز ملتان میں قومی اسمبلی کے حلقہ این اے 157 میں پیپلزپارٹی کے امیدوار علی موسیٰ گیلانی نے شاہ محمود قریشی کی بیٹی و پی ٹی آئی امیدوار مہر بانو کو شکست دی تھی۔