20 اکتوبر ، 2022 
پاکستان ڈٹ جائے، ایشیا کپ بھارت کے بغیر بھی ہو سکتا ہے: یونس خان
20 اکتوبر ، 2022
سابق کپتان یونس خان نے ایشیا کپ 2023 سے متعلق بی سی سی آئی کے فیصلے پر رد عمل دیتے ہوئے کہا کہ ایشیا کپ بھارت کے بغیر بھی ہو سکتا ہے لہٰذا پاکستان کو اپنے مؤقف پر ڈٹ جانا چاہیے۔
گزشتہ روز نجی ٹی وی کے پروگرام میں گفتگو کرتے ہوئے یونس خان نے قومی ٹیم مینجمنٹ کو مشورہ دیا کہ اگر ایشیا کپ کا مقام پاکستان سے تبدیل کیا جاتا ہے تو پاکستان کو خود یہ ٹورنامنٹ کھیلنے سے گریز کرنا چاہیے، اگر بھارت پاکستان نہیں آنا چاہتا تو یہ ان کی مرضی ہے۔
یونس خان نے کہا کہ آئندہ سال ورلڈکپ بھارت میں ہونا ہے اس لیےہم نے بھی کہہ دیا کہ ہم بھارت نہیں جا رہے تو کچھ مزہ نہیں آئے گا لہٰذا درمیانی راستہ کوئی نہیں صرف کھیلنا ہے جب کہ اس کا حل صرف بھارتی بورڈ کو ہی نہیں ، ایشین کرکٹ کونسل اور آئی سی سی کو بھی اس مسئلے پر کردار ادا کرنا چاہیے۔
سابق کپتان کا کہنا تھا کہ اگر بھارت پاکستان نہیں آتا اور آئی سی سی ایشیا کپ کا مقام تبدیل کرتا ہے تو پاکستان کو ڈٹ جانا چاہیے اور کسی اور ملک جا کر کھیلنے سے انکار کردینا چاہیے۔
مزید خبریں :
ویرات کوہلی نے سنچریوں کی سنچری بناکر اہم سنگ میل عبور کر لیا
24 نومبر ، 2024
