22 اکتوبر ، 2022 
پاکستان
ڈاکٹر ذوالفقار عالم خان چند روز قبل ہی اپنے آبائی علاقے محلہ قصبان آئے تھے اور اپنے گھر میں اکیلے رہ ہے تھے: پولیس۔ فوٹو جیو نیوز
ڈی آئی خان: کینیڈا پلٹ ڈاکٹر کی لاش گھر کے واش روم سے برآمد
22 اکتوبر ، 2022
کینیڈا سے چند روز قبل واپس پاکستان آنے والے ڈاکٹر کی لاش گھر کے واش روم سے برآمد ہوئی ہے۔
پولیس کے مطابق کینیڈا میں رہائش پزیر پاکستانی ڈاکٹر ذوالفقار عالم خان چند روز قبل ہی اپنے آبائی علاقے محلہ قصبان آئے تھے اور اپنے گھر میں اکیلے رہ رہے تھے۔
پولیس کا بتانا ہے کہ کسی قسم کا رابطہ نہ ہونے پر محلہ داروں نے ڈاکٹر ذوالفقار کے بھتیجے کو اطلاع دی اور جب گھر کی دیوار پھلانگ کر اندر گئے تو واش روم سے ان کی لاش برآمد ہوئی۔
پولیس کے مطابق متوفی ڈاکٹر کی فیملی کینیڈا میں رہائش پزیر ہے، واقعے کی ابتدائی رپورٹ درج کر کے لاش کو اسپتال منتقل کر دیا گیا ہے، اہلخانہ کے وطن واپس پہنچنے کے بعد باقی کارروائی کا آغاز کیا جائے گا۔
