24 اکتوبر ، 2022 
پاکستان
فوٹو: سوشل میڈیا
جبری گمشدگی ہمارے معاشرے کے چہرے پر بدنما داغ ہے: اعظم نذیر تارڑ
24 اکتوبر ، 2022
وفاقی وزیر قانون اعظم نذیر تارڑ کا کہنا ہے کہ جبری گمشدگی ہمارے معاشرے کے چہرے پر بدنما داغ ہے۔
لاہور میں جاری عاصمہ جہانگیر کانفرنس سے خطاب کرتے ہوئے وفاقی وزیر قانون نے کہا کہ گمشدگی کا مسئلہ سکیورٹی کے معاملات سے جڑا ہوا ہے، یہ مسئلہ پارلیمنٹ میں بھی زیرِ بحث رہا۔
انہوں نے کہا کہ جبری گمشدگی کا مقدمہ ثابت نہ کرنے والے کے خلاف مقدمہ اور 5 سال قید والی شق ختم کردی ہے۔
وفاقی وزیر قانون اعظم نذیر تارڑ کا کہنا تھا کہ دو روز پہلے قومی اسمبلی میں جبری گمشدگی کا بل بھی منظور ہوا ہے۔
