قصور میں 12 سالہ لڑکے کے قتل کا سراغ مل گیا،ملزم بھی گرفتار
02 نومبر ، 2022
قصور کے علاقے کُھڈیاں میں 12 سالہ لڑکے کے اندھے قتل کا سراغ مل گیا، ملزم کو گرفتار کرلیا گیا۔
پولیس کے مطابق کُھڈیاں کے نواحی گاؤں ڈھولن میں 12 سالہ آصف کے قتل میں ملوث ملزم کو جدید ٹیکنالوجی کی مدد سے گرفتار کیا گیا۔
مقتول کی لاش 3 روز قبل کھیتوں سے ملی تھی،پولیس کے مطابق ملزم شہزاد بدفعلی سے انکار پر آصف کو قتل کر کے فرار ہوگیا تھا۔ملزم نے دوران تفتیش اعتراف جرم بھی کرلیا،مقتول تین روز قبل سے جانوروں کا چارہ لینے کے لیے کھیتوں میں گیا تھا۔
