پاکستان
02 نومبر ، 2022

اسپیکر قومی اسمبلی نے آصف زرداری کے خلاف نااہلی کاریفرنس مسترد کر دیا

تحریک انصاف کے رہنما ذلفی بخاری نے رکن قومی اسمبلی آصف علی زرداری کیخلاف ریفرنس اسپیکر قومی اسمبلی کو بھیجا تھا— فوٹو: فائل
تحریک انصاف کے رہنما ذلفی بخاری نے رکن قومی اسمبلی آصف علی زرداری کیخلاف ریفرنس اسپیکر قومی اسمبلی کو بھیجا تھا— فوٹو: فائل

اسپیکر قومی اسمبلی نے سابق صدر آصف علی زرداری کے خلاف نااہلی کاریفرنس مسترد کر دیا۔

تحریک انصاف کے رہنما ذلفی بخاری نے رکن قومی اسمبلی آصف علی زرداری کیخلاف ریفرنس اسپیکر قومی اسمبلی کو بھیجا تھا، ریفرنس میں آصف زرداری کو آئین کے آرٹیکل 62/63 کےتحت نااہل قراردینےکی استدعاکی گئی تھی۔

پی ٹی آئی کی جانب سے جمع کرائے گئے ریفرنس میں کہا گیا تھا کہ آصف زرداری کی جانب سے قانون سے انحراف کے شواہد ہیں، انہوں نے گیلانی دور میں توشہ خانے سے تین گاڑیاں لیں، وہ بحیثیت صدر توشہ خانے سے گاڑیاں لینے کے اہل نہیں تھے۔

ذلفی بخاری نے اسپیکر کو بھیجے گئے ریفرنس میں استدعا کی تھی کہ آصف زرداری کی نااہلی کیلئے ریفرنس الیکشن کمیشن کو بھیجا جائے تاہم اسپیکر  راجہ پرویز اشرف نے آصف زرداری کی نااہلی کا ریفرنس مسترد کر کے فیصلے کی  نقل الیکشن کمیشن کو بھجوا دی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM