عمران خان پر قاتلانہ حملہ کرنے والے ملزم کی نئی ویڈیو سامنے آگئی

چیئرمین تحریک انصاف عمران خان کے کنٹینر پرفائرنگ کرنے والے ملزم کی ویڈیو سامنے آنے پر تھانہ عملے کی معطلی کام نہ آئی، ملزم کی ایک اور  ویڈیو منظرعام پر آ گئی۔

نئی ویڈیو میں ملزم نے دوران تفتیش بتایا کہ عمران خان حضور اکرم محمد مصطفیٰﷺ اور دین کی گستاخی کررہے تھے، جس طرح نبی اکرم ﷺ نے حکم دیا تھا کہ ان کا پیغام پہنچایا جائے اسی طرح عمران خان کہتا ہے، ایک شخص نبی اکرم ﷺ کی زندگی اور سیرت سے ہمیں بے دخل کر رہا تھا، جس وقت واردات کی مسجد میں نماز کھڑی تھی، اُن کا لاؤڈ اسپیکر کئی کلو میٹر دور تک سنا جا سکتا تھا۔

عمران حملہ کیس: کیمپ میں اونچی آواز میں میوزک پر شوہر کو غصہ آیاتھا، ملزم کی اہلیہ کا بیان

نوید نے بڑبڑاتے ہوئے میوزک بجانے والوں کوبرا بھلا بھی کہا تھا: ملزم نوید کی اہلیہ کا بیان

ملزم نے یہ بھی کہا کہ اس کا نشانہ صرف عمران خان تھے، یہ کام اس نے اکیلے کیا، وزیر آباد سے 20 ہزارروپے میں پستول حاصل کیا۔

خیال رہے کہ وزیراعلیٰ پنجاب چوہدری پرویز الہیٰ نے ملزم کی پہلی ویڈیو سامنے آنے کے بعد گزشتہ روز متعلقہ تھانے کا عملہ معطل کر دیا تھا۔