کوئٹہ میں مبینہ پولیس مقابلے میں 2 منشیات فروش ہلاک، ایک زخمی
05 نومبر ، 2022
کوئٹہ میں منشیات فروشوں کی گرفتاری کیلئے پولیس کی کارروائی کے دوران پولیس اور منشیات فروشوں کے درمیان مبینہ مقابلے میں 2 منشیات فروش ہلاک جبکہ ایک کو زخمی حالت میں گرفتار کرلیا گیا۔
پولیس کے مطابق کوئٹہ کے علاقے مشرقی بائی پاس پر بھوسہ منڈی کے قریب خالق شہید تھانہ پولیس نے منشیات فروش اشتہاری ملزم کی گرفتاری کیلئے چھاپہ مارا تو ملزم اور اسکے بھائیوں نے پہلے پولیس پر پتھراؤ کیا اور بعد میں فائرنگ شروع کردی۔
پولیس کا کہنا ہے کہ جوابی کاروائی میں منشیات فروش تین بھائی حبیب اللہ، فدا محمد اور حاجی محمد زخمی ہوئے، جبکہ ایک منشیات فروش اشتہاری ملزم فرار ہونے میں کامیاب ہوگیا۔
پولیس کے مطابق زخمی ملزمان کواسپتال منتقل کرنے کے دوران 2 ملزمان حبیب اللہ اور فدا محمد ہلاک ہوگئے، جبکہ ایک زخمی ملزم کو سول اسپتال کوئٹہ منتقل کردیا گیا،
پولیس کا کہنا ہے کہ پولیس نے منشیات کے اڈے سے بھاری مقدار میں منشیات برآمد کرلی۔
مزید خبریں :
کل سے ملک بھر میں درجہ حرارت میں اضافےکا امکان
9 گھنٹے پہلے
