05 نومبر ، 2022 
پاکستان
ملزمان کے پتھراؤ سے ایف سی کے 9 اورپولیس کے 5 اہل کار زخمی ہوگئے جب کہ 30 افراد گرفتارکرلیے گئے: پولیس/ اسکرین گریب
عمران خان پر حملہ: اسلام آباد میں احتجاج کرنیوالے پی ٹی آئی رہنماؤں کیخلاف مقدمات درج
05 نومبر ، 2022
اسلام آباد میں عمران خان پر حملے کے خلاف احتجاج کرنے والے 24 پی ٹی آئی رہنماؤں کے خلاف مقدمات درج کرلیے گئے۔
پی ٹی آئی رہنماؤں کے خلاف مقدمات تھانہ آئی نائن میں درج کیے گئے ہیں جن میں علی احمد اعوان، عامر کیانی، واصف قیوم اور چوہدری شعیب شامل ہیں۔
ایف آئی آر کے مطابق ملزمان نے پولیس کے ساتھ مزاحمت کی، سرکاری املاک کو نقصان پہنچایا، پولیس اور ایف سی اہلکاروں پر ڈنڈوں، پتھروں سے حملہ کیا۔
ایف آئی آر میں مزید کہا گیا ہےکہ ملزمان کے پتھراؤ سے ایف سی کے 9 اورپولیس کے 5 اہل کار زخمی ہوگئے جب کہ 30 افراد گرفتارکرلیے گئے۔
تحریک انصاف کے کارکنوں نے گزشتہ روزکراچی، لاہور اور راول پنڈی میں ہنگامہ آرائی میں املاک کو نقصان پہنچایا۔
