اللہ جانتا ہے ہمیں اس خوشخبری کی کتنی ضرورت تھی: عارف علوی کی قومی ٹیم کو مبارکباد
06 نومبر ، 2022
پاکستان کرکٹ ٹیم کے ٹی ٹوئنٹی ورلڈ کپ کے سیمی فائنل میں پہنچنے پر صدر عارف علوی نے پاکستانی ٹیم کے لیے پیغام جاری کیا۔
ٹوئٹر پر جاری بیان میں عارف علوی نے کہا 'شاباش، پاکستانی غیر معمولی طور پر ٹیلنٹڈ اور خوش قسمت ہیں، اللہ کا شکر ہے کہ ہم سیمی فائنل میں پہنچ گئے۔'
صدر نے لکھا 'شاہین آفریدی نے بہترین بولنگ کی، وہ ایک نگینہ ہیں، اللہ جانتا ہے کہ ہمیں اوپر آنے کے لیے اس خوشخبری کی کتنی ضرورت تھی'۔
انہوں نے پاکستانی کرکٹ ٹیم کے لیے نیک خواہشات کا اظہار کیا اور ساتھ ہی سیمی فائنل میں فتح کی امید بھی ظاہر کی۔
دوسری جانب وزیر اعظم پاکستان شہباز شریف نے بھی گرین شرٹس کی شاندار کارکردگی کو سراہا اور لکھا 'یہ ایک بڑا لمحہ ہے، سب کو مبارک ہو اور پاکستان ، نیدرلینڈز نے بہت اچھا کھیل پیش کیا'۔
واضح رہے کہ پاکستان نے بنگلادیش کو 5 وکٹوں سے شکست دے کر سیمی فائنل میں جگہ بنالی ہے۔
گروپ 2 سے بھارت اور پاکستان جب کہ گروپ ون سے انگلینڈ اور نیوزی لینڈ سیمی فائنل میں کوالیفائی کرنے میں کامیاب ہوئے ہیں۔
