08 نومبر ، 2022 
نیپرا نے فی یونٹ بجلی کی قیمت میں مزید اضافہ کردیا
08 نومبر ، 2022
نیشنل الیکٹرک اینڈ پاور ریگولیٹری اتھارٹی (نیپرا) نے ستمبر کیلئے بجلی کی فی یونٹ قیمت میں 8 پیسے اضافہ کردیا۔
نیپرا کی جانب سے جاری اعلامیے کے مطابق فی یونٹ بجلی کی قیمت میں اضافہ فیول چارجز ایڈجسٹمنٹ (ایف سی اے) کی مد میں کیا گیا، سینٹرل پاور پرچیزنگ ایجنسی (سی پی پی اے) نے 20 پیسے فی یونٹ اضافے کی درخواست کی تھی، 26 اکتوبر 2022 کو ایف سی اے پر عوامی سماعت کی گئی تھی۔
نیپرا کا کہنا ہے کہ اگست کا ایف سی اے صارفین سے 19 پیسے فی یونٹ چارج کیا گیا، ستمبر کا ایف سی اے اگست کی نسبت 11 پیسے فی یونٹ کم چارج کیا جائے گا، فیول چارجز ایڈجسٹمنٹ کا اطلاق صرف نومبر کے بلوں پر ہوگا، فیول چارجز ایڈجسٹمنٹ اضافے کا اطلاق لائف لائن صارفین پر نہیں ہوگا، فیول چارجز ایڈجسٹمنٹ اضافے کا اطلاق کے الیکٹرک صارفین پر بھی نہیں ہوگا۔
مزید خبریں :
ملک میں آج سونے کی قیمت کیا رہی؟
6 گھنٹے پہلے
ملک میں فی تولہ سونا 1000 روپے مہنگا ہوگیا
03 جون ، 2025
پاکستان اسٹاک ایکسچینج میں آج کاروبار کا منفی دن رہا
02 جون ، 2025
