08 نومبر ، 2022 
پاکستان
پورےکرائم سین کوتاحال مکمل محفوظ رکھا گیا ہے تاکہ شہادت ضائع نہ ہو: پولیس— فوٹو:فائل/
گجرات پولیس نے عمران خان پر حملے کے شواہد سے متعلق وضاحت جاری کردی
08 نومبر ، 2022
گجرات پولیس نے سابق وزیراعظم عمران خان پر وزیر آباد میں حملے کے شواہد سے متعلق وضاحت کردی۔
پولیس کے مطابق سانحے کے بعد پولیس نےتھانا سٹی وزیرآباد کے روزنامچے میں حسب ضابطہ رپورٹ درج کی اور پولیس نے مضروبان کے میڈیکولیگل سرٹیفیکیٹ حاصل کیے۔
گجرات پولیس نے کہا کہ متوفی معظم کا پوسٹ مارٹم کرایا گیا، پنجاب فارنزک ٹیموں نے بروقت پہنچ کرجائے وقوعہ سے تمام شواہد اکٹھے کیے ہیں اور تمام شواہد محفوظ بھی کیے گئے ہیں۔
ترجمان نے بتایا کہ پورےکرائم سین کوتاحال مکمل محفوظ رکھا گیا ہے تاکہ شہادت ضائع نہ ہو، پولیس نفری 24 گھنٹےجائے وقوعہ کی حفاظت کیلئے 3 شفٹوں میں ڈیوٹی دےرہی ہے۔
ترجمان کے مطابق شواہد بروقت اکٹھے نہ ہونے یا ضائع ہونےکا تاثر درست نہیں۔
