11 نومبر ، 2022 
گھر کا بزرگ ایک ہونا چاہیے7 ہونگے تو، سابق بھارتی کھلاڑی برہم
11 نومبر ، 2022
بھارت کے سابق کھلاڑی اجے جڈیجا نے بھی بھارتی کپتان روہت شرما کی کپتانی پر سوال اٹھا دیے۔
بھارتی کپتان روہت شرما کے لیے آسٹریلیا کا حالیہ ٹی ٹوئنٹی ورلڈکپ خاصا دردناک رہا، 6 میچز کی اننگز میں روہت نے 19 کی اوسط سے ایک نصف سنچری کے ساتھ صرف 116 رنز بنائے، انگلینڈ سے شکست پر کپتان روہت کی پرفارمنس کو بھی بھارتی تجزیہ کاروں کی جانب سے خاصی تنقید کا نشانہ بنایا جا رہا ہے۔
بھارتی میڈیا سے گفتگو کرتے ہوئے اجے جڈیجا کا کہنا تھا کہ ’میں ایک بات بولوں گا جو روہت شرما سنیں گے تو ان کو چبھے گی، اگر کسی کپتان نے ٹیم بنانی ہے تو اس کو سارا سال ٹیم کے ساتھ رہنا پڑتا ہے، پورے سال میں روہت شرما کتنے دوروں پر ٹیم کے ساتھ رہے؟ یہ بات میں پہلے بھی بول چکا ہوں، آپ نے ٹیم بنائی ہے اور آپ ہی ساتھ نہیں؟ نیوزی لینڈ سے سیریز میں کوچ بھی ساتھ نہیں جا رہے۔
اجے جڈیجا نے مزید کہا کہ گھر کا ایک ہی بزرگ ہونا چاہیے، 7 ہوں گے تو دقت تو ہو گی۔
واضح رہے کہ ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے بدترین شکست دے کر فائنل کے لیے کوالیفائی کر لیا ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
