150 کے قریب اسکور ہوتا تو شاید میچ کا نتیجہ کچھ اور ہوتا، حارث رؤف
13 نومبر ، 2022
پاکستان کرکٹ ٹیم کے فاسٹ بولر حارث رؤف کا کہنا ہے کہ 150 کے قریب اسکور ہوتا تو شاید میچ کا نتیجہ کچھ اور ہوتا۔
آئی سی سی ٹی ٹوئنٹی ورلڈکپ کے فائنل میں انگلینڈ نے پاکستان کو 5 وکٹوں سے شکست دے کر ٹی ٹوئنٹی کرکٹ کا تاج اپنے سر سجا لیا ہے۔
میلبرن کرکٹ گراؤنڈ میں پاکستان نے پہلےکھیلتے ہوئے 20 اوورز میں 8 وکٹ پر137 رنزبنائے جواب میں انگلینڈ نے 138 رنز کا ہدف 19 اوورز میں 5 وکٹ پر پورا کردیا۔
میچ کے بعد گفتگو کرتے ہوئے قومی ٹیم کے فاسٹ بولر حارث رؤف نے کہا کہ میچ میں ہم سے غلطیاں ہوئی ہیں ،ہم نے رنز بھی کم کیے، 150 کے قریب اسکور ہوتا تو شاید میچ کا نتیجہ کچھ اور ہوتا۔
انہوں نے کہا کہ بولنگ کے دوران ہم نے میچ پکڑلیا تھا، بین اسٹوکس کو جارحانہ بولنگ کی لیکن ان کی قسمت اچھی تھی۔وکٹیں لینے کی کوشش کررہے تھے اس لیے بال آگے کررہے تھے۔شاہین آفریدی کے ان فٹ ہونے کی وجہ سے بھی کافی فرق پڑا۔
واضح رہے کہ ٹی ٹوئنٹی ورلڈکپ کے فائنل میں حارث نے 4 اوورز میں 23 رنز دے کر 2 وکٹیں حاصل کیں۔
مزید خبریں :
ڈی جی اسپورٹس بورڈ شعیب کھوسو کو عہدے سے ہٹا دیا گیا
2 گھنٹے پہلے
اللہ کے بعد صرف شریف فیملی سے امید ہے: عمر اکمل
7 گھنٹے پہلے
نیشنل ویمن فٹبال چیمپئن شپ ملتوی
9 گھنٹے پہلے
