16 نومبر ، 2022 
بھارت کو 2023 کے ورلڈکپ کیلئے فیورٹ کہنا انتہائی فضول ہے : مائیکل وان
16 نومبر ، 2022
انگلینڈ ٹیم کے سابق کپتان مائیکل وان نے 2023 میں بھارت میں ہونے والے ورلڈکپ کیلئے بھارتی ٹیم کو فیورٹ سمجھنا انتہائی فضول قرار دے دیا۔
دی ٹیلی گراف میں لکھے گئے کالم میں مائیکل وان نے انگلش ٹیم کے کپتان جوز بٹلر اور ان کی ٹیم کو ون ڈے ورلڈکپ کیلئے فیورٹ قرار دیا۔
مائیکل وان نے اپنے کالم میں انگلش ٹیم کو سراہتے ہوئے لکھا کہ ’اگلا ٹکٹ بھارت میں ہونے والا 50 اوورز کا ورلڈکپ جیتنا ہے، انگلینڈ کے پاس اچھے اسپن آپشن ہیں اور ہمیں ورلڈکپ کیلئے انگلینڈ کو فیورٹ رکھنا ہوگا‘۔
سابق کپتان نے لکھا کہ جب ٹورنامنٹ شروع ہوگا تو بھارت کو لوگ ان کے ہوم گراؤنڈ پر فیورٹ قررا دینگے جو کہ انتہائی فضول ہے ،انگلینڈ ٹیم کسی بھی سوال کے بغیر شکست دینے والی ٹیم ہوگی اور آئندہ چند سالوں تک یہی سلسلہ چلتا رہے گا۔
سابق انگلش کپتان نے اپنے کالم میں مزید لکھا کہ اگر میں بھارتی ٹیم کو دیکھ رہا ہوتا تو میں انہیں انگلینڈ کی ٹیم سے سیکھنے کی تجویز دیتا۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
