17 نومبر ، 2022 
بابر کی بہت عزت کرتا ہوں، چاہتا ہوں اس پر کم سے کم دباؤ ہو: شاہد آفریدی
17 نومبر ، 2022
پاکستان کے سابق کپتان شاہد خان آفریدی نے بابر اعظم کو کپتانی سے متعلق تجویز پیش کی ہے۔
نجی ٹی وی کے ایک پروگرام میں شاہد آفریدی سے بابر اعظم کے پی ایس ایل فرنچائز کراچی کنگز چھوڑ کر پشاور زلمی میں شمولیت سے متعلق سوال کیا گیا جس کا انہوں نے تفصیلی جواب دیا۔
شاہد آفریدی نے کہا کہ 'بابر کو کراچی کنگز کے ساتھ کچھ مسائل تھے اور شاید وہ اس ٹیم میں خوش بھی نہیں تھا، سمجھتا ہوں بابر کو اپنی کپتانی سے متعلق فیصلہ لینے کی ضرورت ہے'۔
سابق کپتان نے کہا 'میرے خیال میں بابر کو اپنی بیٹنگ پر زیادہ توجہ دینی چاہیے ، ٹیسٹ اور ون ڈے میں ٹیم کو لیڈ کرے اور ٹی ٹوئنٹی کی ذمہ داری کسی اور کو دے'۔
انہوں نے کہا 'میں بابر اعظم کی بہت عزت کرتا ہوں، بطور کرکٹر مجھے وہ بہت پسند ہے اور چاہتا ہوں اس پر کم سے کم دباؤ ہو، آپ کے پاس ٹیم میں ایسے لڑکے ہیں جو ٹی ٹوئنٹی کی کپتانی بہت اچھی طرح کرسکتے ہیں جن میں شاداب خان، محمد رضوان اور شان مسعود ہیں '۔
واضح رہے کہ پاکستان سپر لیگ کے آئندہ سیزن میں بابر اعظم پشاور زلمی کی طرف سے کھیلتے دکھائی دیں گے جب کہ کراچی کنگز سے شعیب ملک کھیلیں گے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
