ترکیہ کے سرحدی ضلع میں شام سے راکٹ حملہ، 3 افراد ہلاک

ترکیہ کےسرحدی ضلع کرکامش پر شام سےکیےگئے راکٹ حملےمیں 3 افراد ہلاک اور 6 زخمی ہوگئے۔

غیر ملکی خبر ایجنسی کے مطابق ترک صوبے غازی انتیب کےگورنرکا کہنا ہےکہ شام کے علاقے کوبانی سے ترکی کے سرحدی ضلع کرکامش پر 5 راکٹ داغےگئے ہیں۔

ترک فورسز کے شام اور عراق میں کرد باغیوں پر حملے، 31 افرد ہلاک

شمالی شام اور شمالی عراق میں کرد عسکریت پسندوں کے 89 ٹھکانوں کو تباہ کیا گیا ہے: ترک وزارت دفاع

صوبائی گورنرکے مطابق راکٹ حملےمیں ہوئے6  زخمیوں سے 2 کی حالت تشویش ناک ہے۔

 ترک وزیر داخلہ سلیمان صویلو کا کہنا ہےکہ  راکٹ حملے میں ہلاک ہونے والوں میں ایک بچہ بھی شامل ہے۔

خیال رہےکہ شام کا سرحدی علاقہ کوبانی کرد ملیشیا وائے پی جی کے زیرکنٹرول ہے۔