22 نومبر ، 2022 
فیفا ورلڈکپ: میسی نے ایک منفرد ریکارڈ اپنے نام کرلیا
22 نومبر ، 2022
قطر میں جاری فٹبال ورلڈکپ میں ارجنٹائن کے اسٹار فٹبالر لیونل میسی نے ایک منفرد ریکارڈ اپنے نام کرلیا۔
منگل کو فٹبال ورلڈکپ میں سعودی عرب نے سنسنی خیز مقابلے کے بعد ارجنٹائن کو 1-2 سے شکست دے کر بڑا اپ سیٹ کیا۔
فیفا کی عالمی رینکنگ میں 51 ویں نمبر پر موجود سعودی ٹیم نے عالمی نمبر 3 ارجنٹائن کو ورلڈکپ میں 2 کے مقابلے میں ایک گول سے شکست دی۔
قطر کے شہر لوسیل میں کھیلےگئے میچ میں 2 بارکے عالمی چیمپئن ارجنٹائن کی جانب سے اسٹار فٹبالر لیونل میسی نے 10 ویں منٹ میں پنالٹی پرگول کیا۔سعودی عرب کی جانب سے 48 ویں منٹ میں صالح شہیری نےگول برابرکیا، سعودی عرب کے سلیم الدوسری نے 53 ویں منٹ میں دوسرا گول کرکے ٹیم کو برتری دلوادی جو کہ میچ کے آخر تک برقرار رہی۔
اس میچ میں ارجنٹائن کو شکست تو ہوئی لیکن اس میں ارجنٹائن کے کپتان نے ایک سنگ میل بھی عبور کیا۔میسی ارجنٹائن کی جانب سے 4 ورلڈکپ میں گول کرنے والے پہلے کھلاڑی بن گئے۔
میسی نے ارجنٹائن کی جانب سے کھیلتے ہوئے 2014،2006 ،2018 اور 2022 میں گول کیے۔
دوسری جانب سعودی عرب نےبھی اس میچ میں ایک اہم اعزاز بھی اپنے نام کیا۔ عرب میڈیا کے مطابق سعودی عرب پہلا عرب اور ایشیائی ملک ہے جس نے ورلڈکپ میں ارجنٹائن کو شکست دی ہے۔
مزید خبریں :
باکسنگ ڈے ٹیسٹ میچ کے پیچھے کہانی کیا ہے؟
7 گھنٹے پہلے
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
