سکھر حیدرآباد موٹر وے کی تعمیر کیلئے زمین کی خریداری میں ایک اور مبینہ کرپشن سامنے آگئی

سکھر حیدرآباد موٹر وے کی تعمیر کے لیے زمین کی خریداری میں ایک اور مبینہ کرپشن سامنے آگئی۔

ذرائع کے مطابق  نیشنل ہائی وے اتھارٹی نے ڈی سی نوشہرو فیروز کو 1500 ایکڑ زمین کی خریداری کے لیے 3 ارب 61 کروڑ روپے سے زائد کے فنڈز جاری کیے ، جاری کردہ فنڈ کے استعمال میں قواعد و ضوابط کی خلاف ورزی کی گئی۔

 ڈپٹی کمشنر نوشہرو فیروز تاشفین عالم گزشتہ 4 روز سے غائب ہیں  جس پر انہیں معطل کردیا گیا ہے۔

سکھر حیدرآباد موٹروے منصوبے میں مبینہ کرپشن میں معطل ڈپٹی کمشنر مٹیاری گرفتار

ڈپٹی کمشنر مٹیاری عدنان رشید کو ان کے گھر سے گرفتار کر کے حیدرآباد منتقل کر دیا گیا ہے، پولیس

چیف سیکرٹری سندھ کا کہنا ہے کہ انکوائری کے لیے تین رکنی کمیٹی بنا دی ، جس کی رپورٹ آنے کے بعد پتا چلے گا کرپشن کیسے کی گئی۔