ہمارا ہدف دنیا کی سب سے طاقتور جوہری طاقت بننا ہے: کم جونگ ان

شمالی کوریا کے سربراہ کم جونگ ان نے کہا ہے کہ انکے ملک کا ہدف دنیا کی سب سے طاقتور جوہری طاقت بننا ہے۔

انہوں نے کہا کہ جوہری صلاحیتوں میں اضافہ ملک اورعوام کے وقار، خودمختاری کا تحفظ کرے گا۔

کم جونگ ان کا کہنا تھا کہ واسانگ -17 (Hwasong-17) بیلیسٹک  میزائیل دنیا کا سب سے اہم تزویراتی ہتھیار ہے، جس سے شمالی کوریا کی سب سے مضبوط فوج کے قیام کی صلاحیت ظاہر ہو جاتی ہے۔

کم جونگ ان نے حالیہ میزائل تجربے پر متعدد اہلکاروں اورسائنسدانوں کو ترقی دینے کا اعلان بھی کیا ہے۔